QUEINAGA

Queinaga é unha pequena queixería familiar nacida hai máis de 25 anos no interior de Galicia, concretamente nas fermosas terras da Campa, en Curtis. Dende esta queixería sempre sentiron a paixón e a determinación de crear e compartir bos produtos, unha tradición herdada dos seus devanceiros que pasou de xeración en xeración. En Queinaga controlan integramente o proceso de fabricación, que comeza polas vacas, ás que coidan e tratan con agarimo alimentándoas exclusivamente coas súas propias forraxes, pasa pola recolección e o tratamento do leite, e finaliza coa fabricación e maduración dos queixos nas súas propias instalacións.