Colle o mantel e os cubertos porque o aperitivo xa o poñemos nós. A verba entremés adquire un novo significado da man dos produtos galegos con certificación de orixe, ecolóxicos e de proximidade. Atentas as persoas que adoren a comida saudable e as hedonistas que desfruten dos sabores máis auténticos, porque amosámosvos como colocar e combinar cada produto para crear unha verdadeira experiencia gastronómica que maridar cos nosos viños con denominación de orixe e indicación xeográfica protexida.