O Poder das Flores nace do agarimo ao rural galego mesturado co marabilloso mundo da apicultura. Eu e mais o meu irmán tentamos retomar a apicultura tradicional herdada dos nosos pais sen perder a nosa propia personalidade.

Son Carmen da Queixería Queinaga situada no concello de Curtis, unha zona de produción de leite e con gran tradición queixeira. A nosa actividade queixeira comeza co obxectivo de revalorizar a  produción de leite propia.

Son Miguel Oliveira de Pazo de Valdomiño. Comecei este proxecto empresarial no ano 1996, aínda que era moi mozo tiña unha gran experiencia no sector pola vinculación familiar. O alambique que de neno me gustaba visitar con meu pai acabou convertíndose no meu modo de vida.

Na Queixería Barral traballamos duro para manter vivo o sabor dos seus queixos DOP Queixo Tetilla e DOP Arzúa-Ulloa, poñendo en valor o esforzo de 30 anos de mestres queixeiros.

Son María Cuba da queixería Don Crisanto situada na parroquia de Lanzós no concello de Vilalba. Somos unha empresa familiar que inicia a súa actividade no ano 1990, acadando un gran recoñecemento pola súa longa traxectoria na produción artesanal de diferentes tipos de queixos.

Síntome moi orgulloso porque despois de tantos anos na emigración, puiden volver ás miñas raíces en Galicia para producir un produto galego de calidade, tan apreciado fóra das nosas fronteiras.

Son Carlos Carrión Alvarez presidente da Cooperativa Vitivinícola Arousá e no Salnés a maioría da xente por tradición, sempre estivemos vinculados a este sector.

Un dos praceres que ten dirixir esta adega é saber que contribuímos a facer feliz a moita xente, compartindo bos momentos con amigos e familiares.

É importante que a xente saiba que cando saborea un viño Ribeira Sacra, é moito máis que viño, aí dentro desa botella hai moito esforzo, hai patrimonio, tradición e natureza.

Son Berna e levo vinculado a este mundo máis de trinta anos, seguindo coa tradición familiar que comezaron os meus avós e despois os meus pais. O máis satisfactorio deste negocio, é o recoñecemento por parte do consumidor dun traballo ben feito reflectido nun produto excelente.