Medio Natural

A zona de produción do queixo de San Simón, tanto o leite como o queixo, está constituída pola área xeográfica que abarca a comarca da Terra Chá na provincia de Lugo. Esta zona caracterízase pola presenza de fértiles vales interiores protexidos por sistemas montañosos, nos que abundan os pastos e que sirven de alimento ás vacas que producen a principal materia prima: o leite. 

A produción láctea está basad en pequenas explotacións, con importante presencia de exemplares de razas autóctonas, o que lle confire ao leite unhas características peculiares e de gran calidade. A alimentación destes animais é principalmente a base de pastos e forraxes producidos na propia explotación, aproveitados mediante pastoreo.

Os produtores da rexión atesouran unha longa tradición na elaboración destes queixos, de características singulares, como son a súa forma e aroma, que permiten a súa inmediata identificación do produto, conseguindo un gran prestixio e recoñecemento entre os consumidores.

Neste medio natural abunda o bidueiro. A súa madeira, utilízase no afumado, o que lle proporciona ao queixo unha cor e aroma inconfundibles.