E ti de onde
ves sendo
IXP Pemento de Oímbra
IXP Pemento de Oímbra
A agricultura foi dende sempre a principal ocupación dos habitantes da comarca de Verín, alentada por un microclima peculiar e pola fertilidade dos seus solos. Os pementos de Oímbra comezaron a cultivarse con técnicas moi arcaicas que pouco a pouco se foron perfeccionando.
As formas de preparación do Pemento de Oímbra son enormemente variadas: fritos, recheos, asados, guisados, etc. Existe unha enorme tradición entre a poboación na elaboración de conservas caseiras. A receita máis tradicional consiste no envasado dos pementos asados, seguindo un proceso absolutamente artesanal e natural.
Medio Natural
A área de produción dos pementos amparados pola indicación xeográfica protexida Pemento de Oímbra está constituída pola totalidade da comarca ourensá de Verín.
As condicións climáticas contribúen a crear un ambiente moi favorable para a produción hortícola, posto que todo o sector se atopa protexido das frontes húmidas que chegan desde o oeste por serras que axudan a crear unhas condicións climáticas moi particulares (un topoclima), que resultan moi adecuadas para a produción de certos cultivos como a vide, a oliveira ou o pemento.
Atópanos
Monterrei
Monterrei
Oímbra
Oímbra
