DIQUEIXA

Dende hai 30 anos, en Diqueixa elaboran queixos acollidos á Denominación de Orixe Protexida Arzúa-Ulloa, elaborados con leite de vaca fresco, puro e pasteurizado da máxima calidade. A materia prima para a elaboración dos seus produtos procede das explotacións gandeiras que cumpren estritamente cos estándares hixiénicos sanitarios, localizadas nunha peculiar área xeográfica situada no corazón de Galicia. É precisamente o feito de pertencer a esta zona que abrangue municipios como Antas de Ulla e Monterroso, o que lle achega á produción eses matices organolépticos e ese carácter artesán do que se senten orgullosos.