Síntome moi orgulloso porque despois de tantos anos na emigración, puiden volver ás miñas raíces en Galicia para producir un produto galego de calidade, tan apreciado fóra das nosas fronteiras.

Son Carlos Carrión Alvarez presidente da Cooperativa Vitivinícola Arousá e no Salnés a maioría da xente por tradición, sempre estivemos vinculados a este sector.

Un dos praceres que ten dirixir esta adega é saber que contribuímos a facer feliz a moita xente, compartindo bos momentos con amigos e familiares.

Son Katia Álvarez, traballo en Bodegas Martín Códax como directora de enoloxía. O que máis me gusta deste traballo é a capacidade de facer felices a outras persoas a través dunha botella de viño.

Son Adolfo Picáns de Adegas Granbazán da DO Rías Baixas, adega fundada en 1981 no predio Tremoedo. Conta cun fermoso edificio neoclásico cuberto de azulexo azul de marcada influencia indiana.

Son Pablo Manuel de Bodegas Pablo Padín, unha empresa familiar con máis de 30 anos de historia. As vivenzas da infancia xogando na adega entre caixas de cartón e depósitos, merendando nos viñedos e, algunha vez, descansando sobre palés de viño, marcaron a miña actual actividade na adega.

O Val do Salnés, atópase en Galicia, no noroeste de España. Alí, aos pes da Finca Valiñas, na ladeira dun monte fronte á ría de Arousa que tempera a brisa atlántica que acariña os nosos viñedos, nacen os viños de Mar de Frades. A nosa adega emerxe no medio desta paraxe, coa súa esvelta figura agrisada de granito e cobre, esculpidos polos rigores do clima galego.

Somos a familia Moraima, un pequeno grupo de viticultores de Barro, con tradición vitivinícola, que optamos por montar unha adega onde elaborar uns viños propios, en vez de vender as uvas que producimos a outras adegas.

Somos a segunda xeración de Pazo de Señorans. Traballamos para que os nosos viños sexan un fiel reflexo da terra que os ve nacer. Cremos profundamente en todo o seu potencial, desde os viños novos ata a capacidade de crecemento que ten a variedade co paso do tempo. Baixo a filosofía de respecto á variedade Albariño, e o coidado do viñedo e a súa afectación ao medio ambiente, Pazo Señorans elabora os seus viños con un marcado carácter varietal que mostra a identidade e o potencial desta nobre uva.

Somos unha adega familiar con 60 hectáreas de viñedos de albariño no Val do Salnés, Rías Baixas que aposta pola calidade, sostenibilidade e internacionalización. O noso logo é un poema simbólico de seis “A” das familias do Val do Salnés de longa tradición adegueira e vinícola, que se remonta ó ano 1953, comezo da Festa do Albariño en Cambados. Seis “A” que simbolizan a nosa irmandade adegueira: Adega, Albariño, Auténtico, Arte Atlántica con Amor.