CELME DE PENA BICADA 2020
ADEGAS CELME
DO Ribeiro
Ponlles
cara
DORI e JORGE
ADEGAS CELME
Rúa Astariz, 22
32430 Castrelo de Miño
Ourense
988 489 190
639 081 810
comunicacion [at] adegascelme.com (comunicacion[at]adegascelme[dot]com)
DORI e JORGE
Somos Dori e Jorge, dous entusiastas da viticultura que decidimos cumprir o noso soño e poñer a andar o proxecto que nos permitiría elaborar os nosos viños nunha pequena adega do Ribeiro.
A nosa aventura comezou en Lugo no ano 2009, onde chegamos por razóns de traballo. Entón coñecemos a Mercedes e o club de cata Vitislucus, que nos iniciaron na paixón polo viño. Isto permitiunos coñecer os procesos de elaboración, as paisaxes e as persoas que, coma nós o facemos agora, vivían con intensidade a elaboración dos seus viños.
A aventura parece un pouco aloucada pois somos enxeñeiros de formación, nacidos lonxe das zonas vitícolas de Galicia e sen experiencia previa nin tradición familiar no sector. Pero a paixón e o entusiasmo levounos a recorrer Galicia na busca do viñedo perfecto para elaborar os nosos propios viños.
É así como en 2016 chegamos ó Ribeiro da man do noso enólogo Pablo Estévez, axuda fundamental para sacar adiante o proxecto.
OS NOSOS PRODUTOS
Para explicar os nosos viños temos que explicar primeiro o noso viñedo. Un total de 2 ha nas ladeiras do río Miño repartidas en dúas fincas: Pena Bicada de 1,5 ha e O Souto de 0,5 ha que dan nome ós nosos viños. As nosas fincas contan únicamente con castes autóctonas sobre un chan de roca granítica meteorizada (xabre). A orientación do viñedo cara ó norte permite protexer as uvas da intensa calor do verán garantizando unhas condicións óptimas de maduración. Os socalcos nas zonas máis altas de Pena Bicada permiten unha mellor ventilación e distribución da humidade no solo. Traballamos duro todo o ano para garantir que cada cepa está nas mellores condicións. Na vendima escollemos manualmente e coidadosamente o mellor de cada planta e de cada acio. O resultado son viños de cantidades moi limitadas que transmiten a personalidade das nosas castes, a riqueza do noso chan e a delicadeza do noso traballo, todo iso marcado pola climatoloxía de cada colleita que fai de cada botella unha experiencia única.
A NOSA ADEGA
O noso compromiso vai máis aló da calidade dos nosos viños; é un compromiso firme co noso entorno e co futuro da nosa terra, que mostramos a través dunha produción 100% ecolóxica.
Complementamos o traballo tradicional no viñedo coa innovación nas instalacións da adega. Utilizamos depósitos de pequena capacidade, de aceiro inoxidable, con control de temperatura automatizada, cinta de selección e unha distribución en planta que nos permite traballar por gravidade mantendo a uva en perfecto estado durante todo o proceso. Innovando nos medios conseguimos elaborar os viños de forma tradicional, coa máxima calidade e ó mesmo tempo cunha mínima intervención na adega.
Atópanos
Enderezo
Rua Astariz, 22
32430 Castrelo de Miño
Ourense
Coordenadas
42.3227149, -8.0409639
Queres estar á última das experiencias calidade?
