A nosa principal característica é que elaboramos con uvas dos vales dos ríos Miño, Avia e Arnoia. Isto confírelle aos nosos viños as características dos distintos chans areosos, lousa e granito e dos distintos microclimas.

Producimos os nosos viños só coas uvas que cultivamos nas nosas dez hectáreas e apostamos pola calidade fronte á cantidade.

Dende o ano 1999 adícome en exclusiva a esta actividade, aínda que quixen facelo dende sempre. Con 13 ou 14 anos os meus avós ensináronme a podar, atar, enxertar e coidar das viñas, así como a cultivar todo tipo de vexetais para autoconsumo, "Hai que ter do teu" dicía o meu avó Saturnino con quen me criei.

Chámome David e traballo como encargado en Leive Ecoadega dende hai algo máis de cinco anos. Traballamos con respecto polo patrimonio e polo medio e con criterios de sostenibilidade, así o certifica o Consello Regulador de Agricultura Ecolóxica de Galicia. Facemos todo con agarimo, pensando en ofrecer a máxima calidade aos consumidores de Leive, que son para nós, máis que clientes, amigas e amigos. 

A filosofía da adega Pazo de Vieite é traballar e coidar con esmero as súas dez hectáreas de viñedo propio, xa que este é o factor máis importante para producir viños de calidade.

Son Xulia Bande colleiteira do Ribeiro dunha pequena adega familiar e este viño é unha homenaxe ao meu avó. O noso tipo de elaboración son viños de garda, viños naturais e procuramos ser o máis respetuosos posibles co medio ambiente e co noso traballo.

Priorato de Razamonde é un proxecto que comezou a súa andadura no ano 1998, nacido do esforzo e a dedicación dunha familia que, a través do tempo, encontrou no viño a mellor maneira de transmitir o sabor das súas terras