Actividades en liña
Cata comentada dos "Irmáns de leite" Marcas de queixos galegos con DOP, premiados nas Catas de Galicia 2021
Galicia é unha rexión produtora de leite de vaca que transforma en catro queixos con DOP. Catro produtos diferenciados elaborados a partir da mesma materia prima, o leite de vaca. Por iso, gústanos referirnos a eles como "Irmáns de leite". Xunto con Salomé Beiroa ofrecémosche unha cata comentada de Queixo Tetilla, Arzúa-Ulloa, San Simón da Costa e Cebreiro
- Prazas:10
- Día:20 maio 2022
- Coñecementos previos:Non
- Horario:19 h
- Idioma:Galego
- Kit de cata:
- Inscrición:experienciasdecalidade@xunta.gal
Cata comentada dos "Irmáns de leite" Marcas de queixos galegos con DOP, premiados nas Catas de Galicia 2021
As catas en liña son a escusa perfecta para xuntar amigos ou familiares en casa e desfrutar dunha degustación dirixida. Da man de Salomé Beiroa terás ocasión de recibir unhas suxestións de corte, presentación dos queixos e unhas nocións básicas de cata, para desfrutar con coñecemento de todas as singularidades dos queixos galegos.
Ademais, nesta sesión de 45 minutos, a través da nosa canle de youtube, Salomé tamén vos guiará cunha cata comentada para amosarvos os segredos organoléptipos dos seguintes queixos:
- Queinaga. Distinción de Ouro DOP Queixo Tetilla nas Catas de Galicia 2021.
- Diqueixa. Distinción de Ouro DOP Arzúa-Ulloa nas Catas de Galicia 2021.
- Fontelas. Distinción de Ouro DOP San Simón da Costa nas Catas de Galicia 2021.
- Castelo. Distinción de Ouro DOP Cebreiro nas Catas de Galicia 2021.
Se queres seguir esta actividade co coitelo na man, podes adquirilos no apartado de mercar experiencias. Anímate e formaliza a túa inscrición!!
