Cousas
ricas
Costela de Ternera Gallega glasada con ceboliñas ao mel e queixo Cebreiro
Tempo aproximado: 1 hora 30 minutos.
Que necesito?
- 2 kg de costela de Ternera Gallega nunha peza
- 2 cebolas medianas
- 2 cenorias
- 3 dentes de allo
- 0,5 l viño tinto mencía (DO Valdeorras)
- 1,5 l caldo de tenreira
- 50 g fariña
- aceite de oliva, sal,
- pementa negra
Para a gornición:
- 12 ceboliñas pequenas
- 3 culleradas de manteiga
- 0,2 l caldo de tenreira
- 3 culleradas da IXP Mel de Galicia
- 100 g de queixo DOP Cebreiro
- sal, tomiño
Salpementar a costela e dourala nunha pota grande con aceite. Retirar a carne e, na mesma pota, engadir as verduras picadas e refogar ata que estean douradas. Engadir a fariña, remover ben, verter o viño e deixalo reducir ata a metade.
Meter de novo o anaco de costela dentro da pota e cubrir ben co caldo. Asar suavemente, tapado, de 2 horas a 2 horas e media ata que a costela estea ben tenra. Retirar a carne da pota e sacar os osos tirando deles sen que se rompa a carne. Meter a carne desosada na neveira cun peso enriba para prensala ata que arrefríe. Cortala en rectángulos ou lingotes.
Coar o líquido de cocción e reducilo ata que quede con consistencia de salsa espesa e brillante.
Dourar en aceite os lingotes de costela e engadir a salsa reducida; cociñar a lume lento 5 minutos, salseando continuamente a carne cunha culler, ata que quede ben cuberta e brillante.
Gornición:
Pelar as ceboliñas, sazonalas e douralas lixeiramente con manteiga nunha tixola, engadir o caldo e fervelas ata que estean tenras. Engadir o mel e cocer dous minutos máis.
Coroar cada unha cun pouco de queixo Cebreiro e servir acompañando o lingote de costela.
Queres estar á última das experiencias calidade?
