Que necesito?
- Pan de Cea (1/2 da bola pequena)
- Chourizo de produción ecolóxica (2 uds)
- Xamón de produción ecolóxica (150 g)
- Allo ( 4 uds)
- Aceite de produción ecolóxica (6 culleradas)
- 6 ovos codorniz
Picamos en tacos o Pan de Cea, o chourizo e o xamón de produción ecolóxica. A continuación, poñemos unha tixola ao lume cun chisco de aceite e douramos o xamón. Unha vez feito, escorremos e reservamos nun prato ou recipiente. Repetimos a mesma operación co chourizo, coa mesma tixola, aceite limpo, escorremos e retiramos.
Douramos os 4 dentes de allo cunha pinga de aceite. Cando estean, retirámolos e introducimos o Pan de Cea ata que trisque. Engadimos na mesma tixola o chourizo, o xamón e mesturamos.
Finalmente, nunha tixola limpa cun pouco de aceite fritimos un ovo. Nun prato, colocamos a mestura de pan, chourizo e xamón e, sobre esta, colocamos o ovo cun chisco de sal. Repetimos ata completar as 6 racións.
Suxestión: Remover continuamente o pan para que non se queime e adquira a textura crocante. Para decorar picar miúdiño un pouco de perexil fresco por riba do ovo.
Enche a túa mesa con etiquetas de calidade
Merca aquí: www.expererienciasdecalidade.gal