Medio Natural

A área xeográfica delimitada pola indicación xeográfica Augardente de Herbas de Galicia, na que se debe producir a uva e, como  subprodutos da  vinificación, os bagazos e lías, e na que se debe realizar o destilado e a elaboración, abarca todo o territorio da Comunidade Autónoma de Galicia.

A composición volátil das augardentes está directamente relacionada coas condicións de fermentación e de destilación da materia prima, pero sobre todo polos compostos aromáticos propios de cada variedade de uva. A presenza e concentración destes compostos depende tamén da zona de cultivo e das condicións climáticas e edafolóxicas, de maneira que as variedades de uva utilizadas e o territorio onde se cultivan condicionan as características dos destilados obtidos.

As herbas utilizadas na súa elaboración inflúen tamén no seu sabor, aroma e cor.