Ven a camiñar entre viñedos e camelias.
Pazo Rubianes sorprenderache cunha experiencia moi variada, chea de sensacións e emocións.
As visitas guiadas ou libres, individuais ou para grupos, permitirán descubrir todo o seu contido histórico, cultural, botánico e vitivínícola . Un paseo por un patrimonio artístico e botánico con máis de 600 anos de historia.
Coñecerás o xardín histórico e da camelia, nomeado Xardín de Excelencia Internacional no ano 2014; parque botánico con máis de 5000 camelias. Descubrirás os viñedos máis extensos do Salnés, 25 hectáreas situadas no alto dun outeiro con vistas á Ría de Arousa. Viaxarás ao pasado no interior do pazo, un gran edificio palaciano en perfecto estado de conservación e decoración que che abre as súas portas. Continuarás coa visita á capela do século XVI e rematarás cunha degustación dos “Albariños das Camelias”, producidos nas parcelas do pazo.
Non perdas a ocasión de coñecer os produtos cosméticos naturais "Xardín do Pazo de Rubianes", elaborados de xeito artesanal a partir do aceite de camelia. Un dos mellores aceites do mundo obtido das sementes da camelia colleitas no xardín do Pazo.
Tras o paseo polo Pazo de Rubianes, dos seus xardíns e viñedos podes completar a experiencia sensorial cunha proposta gastronómica inspirada nos produtos da nosa terra, na nosa leira en compañía dunha boa música. A emoción e diversión nesta contorna están aseguradas e quedarán para o recordo.
Ademais poñemos as nosas instalacións á túa disposición para organizar ese evento especial que tes en mente... comidas, reunións ou outro tipo de celebracións nunha contorna natural e paisaxística única.
Para máis información bota unha ollada a:
Visitas
Enoturismo
Eventos
Viños
Tes moitas opcións posibles e desfrutamos cos retos, así que non dubides en consultarnos nos teléfonos: 619261847 e 986510534
