Quenza

En Galicia, hai centos de anos, pensouse que a augardente de bagazo podería mellorarse coas herbas máis aromáticas da nosa terra. De aí emerxen licores como Quenza, elaborado a partir de augardente de bagazo cento por cento —obtida da destilación do bagazo de Ponte da Boga— onde herbas aromáticas-medicinais maceran durante vinte días. A destilación é de arrastre de vapor, un sistema de baixas presións que filtra e arrastra as mellores substancias volátiles rexeitando os compostos de degradación. Posteriormente, o produto remóese para homoxeneizar o licor, obtendo destilados da máxima calidade e complexidade organoléptica.