Elixiches esta experiencia...
TERRA DE MELIDE QUEIXO TETILLA

TERRA DE MELIDE QUEIXO TETILLA

Lácteos Terra de Melide S.L.
DOP Queixo Tetilla

O queixo Terra de Melide presenta unha codia fina e elástica, de cor amarelenta. A pasta é branda, cremosa e uniforme, con poucos ollos e de cor branca-marfil. Ademais, presenta unha textura cremosa que transmite un sabor suave e natural. Apréciase un lixeiro matiz salgado.

No ano 1990 fúndase Lácteos Terra de Melide, S.L., unha empresa familiar asentada no rural galego que foi medrando de forma exponencial. Todos os seus produtos se elaboran con leite cento por cento galego, natural e enteiro procedente de pequenas gandarías próximas á súa fábrica. Aínda que os seus queixos son artesáns, no proceso de fabricación empregan a tecnoloxía precisa para garantir a máxima hixiene, sen perder o sabor tradicional. A súa produción está amparada polas denominacións de orixe protexida Arzúa-Ulloa e Queixo Tetilla, ofrecendo sempre un produto certificado da máxima calidade.

Atópanos

Enderezo

Lg. Orois, s/n
15800 · Melide
A Coruña

Contacta

Teléfono

981 808 009

Correo Electrónico
web@terrademelide.com

Queres estar á última das experiencias calidade?