Adega Pedro Leivas, único lagar de sidra que permanece no norte de Galicia, nas terras altas de Espasande de Arriba, en Riotorto, Lugo.

A nosa adega é a mestura de natureza,  agricultura ecolóxica e arquitectura tradicional rehabilitada, que mereceu o prestixioso premio Juana de Vega de Intervencións na Paisaxe.

Despois de anos de intenso traballo en recordo dos nosos maiores que puxeron as primeiras pedras e sementaron as maceiras mais vellas, conseguimos poñer en valor unhas fincas moi produtivas, e acondicionamos un conxunto arquitectónico singular e con unhas condicións únicas para a elaboración e a crianza baixo terra da Sidra Natural Salvaxe.

A sidra xa foi recoñecida en certames nacionais e internacionais.

Pero non deixamos de traballar. Ademais da sidra da adega saen tres novos produtos, nos que a mazá segue sendo o corazón e o único ingrediente: o zume de mazá 100%, o vinagre de sidra e o espirituoso de sidra.
Este último, o espirituoso, se destila unindo a tradición e a innovación, nun entorno exterior sorprendente e máxico. Os vapores do destilado, as gotas de augardente, a luz da lúa, os destelos do cobre, o vento na maceira e as antigas pedras acadan unha experiencia inesquecible e un sabor excelente.

Somos artesáns, adscritos a Artesanía Alimentaria de Galicia, e a Artesanía Alimentaria de Montaña.