No noso obradoiro elaboramos cada Mariñeira seguindo un proceso sinxelo, honesto e respectuoso coa tradición. Porque cremos que os mellores produtos nacen de boas materias primas, tempo e coidado.

As nosas tostas elabóranse a partir de ingredientes naturais e de máxima calidade: fariña de trigo, manteiga ou aceite de oliva virxe extra, sal, extracto e fariña de malta de cebada, lecitina de soia e fermento. Sen conservantes, sen colorantes e sen aditivos artificiais.

A receita é simple, pero detrás dela hai un proceso no que combinamos tradición e innovación. Primeiro amasamos os ingredientes, deixando que a masa repouse e fermente lentamente durante varias horas. Despois dáselle forma ás tostas e fornexámolas ata conseguir a súa textura lixeira e crocante característica.

Grazas ao seu baixo nivel de humidade, as Mariñeiras consérvanse de maneira natural durante moito tempo, mantendo intacto o seu sabor e textura sen necesidade de conservantes artificiais. Esta característica conecta directamente coa súa orixe histórica: un alimento pensado para durar, práctico e saudable.

No noso obradoiro non só facemos tostas; elaboramos unha maneira de entender a alimentación: natural, responsable e ligada á nosa terra.