Nela Gourmet atópanse en San Cristovo de Cea (Ourense), nunha pequena nave situada no Polígono Municipal, onde se desenvolve a elaboración artesanal das súas marmeladas e outros produtos vexetais. Aposta pola transformación de materias primas naturais, empregando principalmente froitas de produción propia e outras procedentes de explotacións de proximidade, favorecendo así o desenvolvemento do territorio e os circuítos curtos de comercialización.

A marca Nela Gourmet saíu ao mercado en xuño de 2019, cunha proposta baseada na calidade, a elaboración artesanal e o respecto pola estacionalidade dos produtos. No seu obradoiro lévanse a cabo os procesos de preparación, cociñado e envasado das marmeladas, seguindo criterios de produción que priorizan os ingredientes naturais e a ausencia de conservantes, colorantes e aromas artificiais.