Somos Ana e Neli, dúas mulleres que no ano 2015 comezamos a nosa aventura coas Galletas Xianas. Impulsadas por motiviacións diferentes, quixemos poñer en valor un produto tradicional como son as coñecidas  “Galletas de Xian”. Tentamos que a receita das nosas galletas fose o mais semellante á da xente que elaboraba en familia nas súas casas hai mais de 100 anos. Tras moitas probas, elaboramos as nosas Xianas Orixinais, Xianas de Améndoa e Xianas de Coco. Pero desexabamos algo mais, que a xente as identificase con Galiza nada mais velas. Por este motivo levan grabadas por unha cara o mapa de Galiza e pola outra debuxos relativos á nosa cultura, patrimonio e natureza como a muralla de Lugo, a Torre de Hércules, unha folla de vide, un carballo milenario de Taboada, etc…

Cremos que o noso lema “GALIZA NUNHA GALLETA” resume perfectamente o noso proxecto.

Co paso dos anos e ante a necesidade de adaptarse ao mercado, engadimos un novo sabor: “Xianas de Café” (que cada día gaña mais adeptos) e desapareceron as de Coco.  Tamén  incorporamos novos produtos como os Aloumiños (petiscos de Noz e Arándanos) e os “Tomesiños” (polvorons de améndoa elaborados con manteiga de Porco Celta).
Agardamos seguir engadindo novos produtos, sempre mantendo un proceso artesanal como garante o selo de Artesanía Alimentaria da Xunta de Galicia.