PILAR ALONSO

Son Pilar Alonso fundadora de Xacobleas, a nosa intención é recuperar e revalorizar a oblea de trigo, seguindo a receita e o procedemento que facían as monxas no convento, esto é artesanalmente e sen engadir azucre, lecitinas nin aceites.
Esta idea xurdiu por casualidade, alá polo ano 2013, entereime de que unhas monxas precisaban man de obra para elaborar as formas de comunión.
A curiosidade levoume a traballar con elas, e pouco a pouco fun aprendendo todos os procesos necesarios para elaborar finas e crocantes obleas de trigo. A receita clásica engadíalle coco, canela e xenxibre, cacao ou café e así comprobei que era posible facelas de sabores.
Esta idea foise convertindo en proxecto e no ano 2018 vendéronse as primeiras Xacobleas, obleas en forma de cuncha de vieira con relevos relacionados co Camiño de Santiago.
Nun primeiro momento foi un produto demandado especialmente por panaderías e restaurantes para facer postres típicos como almendrados ou turróns, pero tamén platos salgados como empanadillas ou base de canapés.
Por suposto todo elaborado a man, de unha en unha, co agarimo e práctica de quen disfruta co seu traballo e valora o resultado final e a calidade do produto por encima de todo.