Produtos
de sempre
IX Augardente de Herbas de Galicia
CONSELLO REGULADOR
Pazo de Quián, s/n
15881 Sergude – Boqueixón
A Coruña
981 511 566
orujo [at] orujodegalicia.org (orujo[at]orujodegalicia[dot]org)
IX Augardente de Herbas de Galicia
A particular historia da augardente de herbas debe entenderse en relación a dous fenómenos históricos: o posicionamento dos destilados como remedio medicinal e a tendencia xeneralizada das clases populares a imitar os gustos e costumes das xentes acomodadas.
As primeiras noticias sobre este produto apuntan aos establecementos hospitalarios. Os seus inventarios recollen xa no século XVII a proba da fabricación e uso desta bebida no ámbito farmacéutico feita a base de herbas medicinais.
Materias primas
A Augardente de Herbas de Galicia é unha bebida espirituosa obtida a partir de augardente amparada pola indicación xeográfica Orujo de Galicia, mediante a maceración e/ou destilación do alcohol en presenza das herbas que a caracterizan. Na elaboración da augardente de herbas de Galicia empregaranse un mínimo de tres especies de plantas. Permítese o uso de calquera especie apta para uso alimentario, entre as cales se citan, por seren de uso máis tradicional, as seguintes: menta, macela, herba luísa, romeu, ourego, tomiño, coandro, azar, fiúncho, regalicia, noz moscada e canela.
Características do produto
As características organolépticas son as seguintes:
- Aspecto: translúcido-limpo
- Cor: dende amarela pallosa a amarela verdosa
- Aroma: intenso, fino, delicado, saboroso, amplo, con notas aromáticas florais e con marcado carácter da augardente de bagazo da que procede, complementada coas herbas que a caracterizan. Ausencia de olor a humidade, a queimado ou sucidade.
- Sabor: persistente, con equilibrio entre o alcohol do destilado e as notas a herbas aromáticas e especias.
