Produtos de orixe vexetal

A Pataca de Galicia é un produto cultivado de forma tradicional e aínda que o seu aspecto exterior pode non ser perfecto, a súa calidade e sabor son excepcionais. Comercialízase despois de superar estritos controis de cultivo e envasado, o que garante a súa calidade e orixe.

A partir do ano 1960 produciuse un grande incremento da produción de fabas na Mariña Lucense, sobre todo no termo municipal de Vilanova de Lourenzá, alcanzando unha gran calidade, o que fixo que adquirisen un gran recoñecemento nos mercados e entre os consumidores. Así, na actualidade, as  fabas desa zona son coñecidas no mercado como “Fabas de Lourenzá”.