Bocado de Lacón Gallego, tomate cereixa de produción ecolóxica, queixo Cebreiro e triscos de laranxa de Artesanía Alimentaria

Cortamos uns 300 gramos de lacón e poñémolo a desalgar. Cocemos e reservamos.

Por outra banda nunha placa de forno estendemos todos os tomates cereixa de produción ecolóxica e colocamos no centro o queixo Cebreiro, salpimentamos e aromatizamos con herbas, neste caso tomiño e romeu de produción ecolóxica.

Metémolo no forno a 200 graos, 15 minutos para que se asen os tomatiños e derreta o queixo Cebreiro. Procedemos a trituralo para conseguir unha salsa cremosa e melosa, e reservamos.

Para a montaxe cortamos en láminas o Lacón Gallego e napamos coa parte resultante do asado dos tomates cereixa e o queixo Cebreiro. Rematamos con triscos de laranxa de Artesanía Alimentaria.