Casa Moreiras

Segunda xeración dunha adega pioneira da Denominación de Orixe Ribeira Sacra, cunha longa historia e arraigo xeracional. O proxecto vitivinícola de Casa Moreiras nace co afán emprendedor e o amor pola terra de D. Manuel Vázquez no pobo de Goián. Esta paixón nacida a finais dos 80 e a principios dos 90, pasou a converterse nunha actividade profesional cando se comezan a plantar viñedos en Sios, acondicionar e restaurar a antiga adega semienterrada Casa Moreiras, datada de 1692 e propiedade de D.ª Felisa, nai da actual xeración. O nome da adega fai referencia aos devanceiros da casa e, concretamente, por D. Constantino Rodríguez Moreiras, quen a ampliou e concentrou as parcelas próximas, así como o terreo onde se sitúa o edificio da adega. Sen dúbida, unha das máis singulares de todo o panorama vitivinícola nacional.