Domus Roandi

Bodega Roandi representa na actualidade a cuarta xeración de viticultores da familia Moral quen, con moito agarimo e esforzo, cultivou os viñedos que foron pasando de pais a fillos, sen perder o amor pola terra e polo traballo ben feito. Bodega Roandi comeza a súa andaina no ano 2008, entrou na Denominación de Orixe Valdeorras e elaborou no ano 2009 a súa primeira colleita con dúas únicas marcas no mercado: un branco monovarietal de godello e un tinto de carballo. Dende entón foi medrando en plantacións de viñedo e en número de marcas comerciais, elaborando os seus viños mediante métodos tradicionais, buscando a máxima expresividade das uvas. Destaca ademais por crear o primeiro espumoso de godello amparado pola Denominación de Orixe Valdeorras.