EIDO DA FONTE 2022

Esta adega de carácter familiar, creceu ata crear Eido da Fonte, participando sempre na
produción de viño. Dispoñen da inesgotable fonte de sabedoría que deixaron as xeracións
anteriores da súa familia: os seus consellos, trucos e directrices guían o seu labor. Levan
dedicándose á elaboración de viño un século e, a día de hoxe, continúan coa tradición e o
compromiso de ofrecer produtos da maior calidade, vixiando todos os pasos e cada un dos
detalles do proceso. En Eido da Fonte encárganse do coidado e selección das uvas dos seus
viñedos, garantindo así a mellor materia prima para os seus viños. Deste xeito, todos os
procedementos contan coa súa dedicación plena, sempre coa axuda do persoal máis cualificado
e entregado. Polo de agora, en Eido da Fonte conseguiron elaborar tres variedades de viño. Por
unha banda, un Albariño 100% que ofrecen como viño xove ou con seis meses de barrica. Pola
outra, dous tintos: un monovarietal Sousón e un plurivarietal que, dependendo do ano, ofrece
unha combinación diferente das mellores castes autóctonas.