O GALEIRÓN 330 g

O Galeirón, Marca Rexistrada, empeza a súa historia no ano 2019, con unhas 300 colmeas nos montes da aldea de Mercurín do Courel. Tradición, tenacidade, un soño e o amor pola terra, de todo isto naceu O Galeirón, nome que leva o regato que pasa xunto a alvariza onde comezou a nosa historia. A auga dese regato, como elemento imprescindible é símbolo de vida destes seres magníficos.
As montañas que viron nacer O Galeirón son o Xeoparque Montañas do Courel que é Reserva da Biosfera, a terra máxica das Mouras onde temos o privilexio de traballar xunto aos seres máis incríbles do planeta, lonxe de todo pero preto da natureza máis salvaxe. "O máis fermoso da apicultura, é saber que a porta da colmea sempre estará aberta e polo tanto, a liberdade, sempre será delas”.