O PODER DAS FLORES MULTIFLORAL

O Poder das Flores nace do agarimo ao rural galego, mesturado coa paixón polo senlleiro mundo da apicultura. A totalidade dos seus produtos son colleitados na zona norte de Lugo, no pulmón do Val do Ouro e na Reserva da Biosfera Río Eo, Oscos e Terras de Burón. Estes lugares idílicos cheos de poder son os que nos deleitan con meles dunha calidade excepcional, á vez que contribúen á súa biodiversidade. En O Poder das Flores apostan firmemente polo mercado local e de proximidade, polo que a confianza e compromiso cos seus clientes sempre é máximo. Por outra banda, os protocolos de colleita e envasado están supervisados polo Consello Regulador da IXP Mel de Galicia, o que supón o mellor aval de calidade e hixiene.