O TROBO MEL DO VALADOURO

Mel O Trobo comercialízase dende hai máis de dúas décadas, sendo o resultado dos anos de traballo de Mª Fé Sixto Pernas e dos seus antepasados, apicultores e cereiros pioneiros na introdución da apicultura moderna na comarca da Mariña lucense. As súas alvarizas esténdense entre os municipios do Valadouro, Viveiro e Ourol, situados en lugares estratéxicos afastados da contaminación. Entre as súas variedades, considera meles multiflorais e monoflorais, desde o breixo e o eucalipto ata a silva. No seu Museo do Mel poden adquirirse os seus produtos, así coma descubrir os aparellos apícolas pertencentes a esta familia “abelleira” dende o século pasado.