SACRAPASTAS bolsa 80g

A marca SACRAPASTAS nace para manter viva a tradición centenaria das pastas de manteiga
“Galletas de Xián”, considerándoas auténticas embaixadoras doces do noso territorio: a Ribeira Sacra.
Absolutamente impregnadas da beleza desta terra máxica, inspíranse na súa arte románica,
da que nacen os gravados plasmados en cada galleta; e nos seus seres mitolóxicos, as Xacias,
figura protagonista da nosa marca.
Honran ás nosas avoas, ás mulleres do rural e ás familias que souberon namorar a todo un pobo coas súas
galletas, preservando e transmitindo esta receita de xeración en xeración.
Elaboradas no obradoiro da Panadería Darío, empresa de carácter familiar, en Taboada, que dende o ano
1986 ata a actualidade, fai produtos de calidade totalmente artesáns, como son as “Galletas de Xián”.