Elixiches esta experiencia...

Terra

Airas Moniz
Artesanía Alimentaria

Queixo de pasta branda e codia comestible. Pode ser máis firme ou máis cremoso segundo a época do ano. Non se prensa. Require volteos manuais continuos e moito traballo tanto na cámara de oreado (dous volteos diarios) como na de maduración (volteo cada dous días). Desenvolve mofos naturais debido á cava de maduración, na que predomina o Penicillium roqueforti sobre o Penicillium candidum.

Destaca polo seu sabor intenso e pola súa cor amarela, que se suaviza ao comelo coa codia. A intensidade aumenta a medida que avanza a maduración, chegando a ser moito máis marcada cando a codia evoluciona cara notas amoniacais. Sorprende que, a pesar de ser un queixo de sabor potente, ten moi pouca materia graxa.

Ler máis

Ler menos

https://airasmoniz.com/es/

Airas Moniz é unha queixaría artesanal situada en Chantada, no corazón da Ribeira Sacra do Miño, nacida da transformación dunha antiga granxa intensiva nun proxecto sostible e con valor engadido. Traballa con vacas Xersei en pastoreo e leite crúa, apostando pola elaboración de queixos e manteiga de alta calidade.
Está recoñecida co selo de Artesanía Alimentaria e combina tradición, innovación e respecto pola terra. Os seus produtos reflicten a paisaxe, o coidado animal e o saber facer local. A empresa desenvolve unha produción limitada e moi coidada, centrada na identidade de cada elaboración.
Ademais, abre as súas portas a visitas e experiencias que permiten coñecer todo o proceso e o territorio no que nace..

VIVIR UNHA EXPERIENCIA AIRAS MONIZ

En Airas Moniz encántanos compartir con todo o mundo o que facemos. Por iso, unha das actividades que organizamos son as visitas á queixería e á granxa, nas que se presenta o proxecto e se percorren as distintas cámaras de elaboración e maduración, así como os espazos onde viven os animais. E rematamos cunha degustacion dunha selección dos nosos queixos e manteiga, acompañados dun viño da Ribeira Sacra do Miño.

Tamén, previa petición e valoración, podemos deseñar experiencias queixeiras personalizadas, pensadas a medida de cada grupo ou visitante. Propostas nas que o tempo se detén entre aromas, texturas e paisaxe, e nas que se pode mergullar máis a fondo no noso xeito de entender o queixo, os animais e a terra.

Son experiencias coidadas ao detalle, onde se combinan visita, coñecemento e degustación, para que cada persoa leve consigo non só o sabor dos nosos produtos, senón tamén unha lembranza viva do lugar onde nacen.

Ponlles cara

Cousas ricas

Cousas
ricas

Compostela: Queixo DOP Cebreiro, IXP Tarta de Santiago e crocantes de Artesanía Alimentaria

Tempo aproximado: 15 min

Atópanos

Enderezo

LUGAR DE OUTEIRO SAN SALVADOR DE ASMA.
27519 CHANTADA
LUGO

Contacta

Teléfono

629 716 668

Correo Electrónico

INFO@AIRASMONIZ.COM

Responsable do tratamento:	Xunta de Galicia - Axencia Galega da Calidade Alimentaria (AGACAL).
Finalidade do tratamento:	Tramitar a súa solicitude de alta como subscritor/a do boletín de novidades publicadas no portal “Experiencias de calidade”.
Lexitimación para o tratamento:	Consentimento das persoas interesadas
Destinatarios dos datos:	Non se prevén comunicacións a terceiros.
Exercicio de dereitos:	As persoas interesadas poderán solicitar ante o responsable do tratamento o acceso, rectificación, limitación e supresión dos seus datos, ou retirar no seu caso o consentimento outorgado, a través da sede electrónica da Xunta de Galicia ou nos lugares e rexistros establecidos na normativa reguladora do procedemento administrativo común segundo se recolle en https://www.xunta.gal/exercicio-dos-dereitos Así mesmo, as persoas interesadas poderán retirar o consentimento previamente outorgado dirixindo a súa solicitude a experienciasdecalidade [at] xunta.gal (experienciasdecalidade[at]xunta[dot]gal). A retirada do consentimento non afectará á licitude do tratamento baseada no consentimento previo á súa retirada.
Contacto delegado de protección de datos e información adicional:	https://www.xunta.gal/proteccion-datos-persoais