TERRAS DO CIGARRÓN 2023

Adega Terras do Cigarrón, pertencente ao grupo adegueiro Martín Códax Viticultores, sitúase na
rexión de Monterrei. No ano 2009, vendo o enorme potencial do varietal Godello, decide apostar
firmemente pola DO Monterrei, coa misión de elaborar viños que reflectisen a auténtica esencia
deste terreño único. A historia da adega é unha historia de sinerxías. Desde os seus comezos,
Terras do Cigarrón mantivo un firme compromiso coa calidade e a autenticidade. Combina
técnicas tradicionais de cultivo e vinificación, con practicas innovadoras e sostibles que respectan
o medio ambiente e potencian as características únicas dos seus viñedos. Ao longo destes anos,
logrou establecerse como un referente na produción de viños de alta calidade nesta rexión
ourensá. Os seus viños, especialmente os elaborados coa variedade Godello, foron recoñecidos
pola súa frescura, mineralidade e capacidade de expresar de maneira fiel as particularidades do
terreño de Monterrei.