VEDRA DO ULLA

Aguardientes de Galicia nace no 1992 da inquedanza dun grupo de persoas que deciden apostar
por unha actividade vencellada á zona, á tradición e á historia, pero coa intención de elaborar
destilados e licores. Desde o inicio, esta empresa decide avogar pola calidade, o emprego de
materias primas da rexión e a innovación para preservar a arte da destilación en Galicia. Deste
xeito, recuperando o pasado e coidando do seu patrimonio, lograron crear marcas modernas e
innovadoras, cuxa reputación, grazas a múltiples galardóns, traspasaron fronteiras. Este
recoñecemento mantén viva a súa loita por lograr que as súas augardentes adquiran o prestixio
digno dos mellores destilados.