Viña Armenteira 2020

A adega Lagar de Cervera fundouse en 1982 e no ano 1988 pasou a formar parte do grupo Rioja Alta, S.A. A excelencia nos viños e o respecto pola tradición, en combinación coas últimas tecnoloxías, constitúen a filosofía desta adega situada na zona do Rosal. Nela elabóranse os viños Lagar de Cervera e Rosal Pazo de Seoane, ademais das augardentes Viña Armenteira branca e de herbas, estas últimas de forma tradicional en alambiques de cobre, destilando os bagazos do seu Albariño. Co fin de asegurar a calidade da materia prima, en 1990 inician un novo plan cuxo fin era conformar o maior viñedo de uva Albariño das Rías Baixas. Comezaron cunha plantación de cinco hectáreas e, co paso do tempo e o progresivo incremento das terras, chegaron ata as noventa.