Mel cru de extracción en frío, de gusto refinado e coidado, con mestura de eucalipto, dous tipos de breixo e notas de castiñeiro que acadou a distinción de Ouro na categoría de meles multiflorais nas castas de Galicia 2022.

Mel monofloral de eucalipto de cor ámbar cun lixeiro toque a cera. Galardoado coa distinción de Ouro nas Catas de Galicia 2022.

Mel de cor vermella, escura e limpa. O seu olor é eminentemente floral e persistente. A súa composición conxuga néctar de trevo, silva, brezo, carballo e diferentes plantas silvestres. Obtivo a distinción de Prata na categoría Multifloral das Catas de Galicia 2021 e 2022.

Este mel, polas súas características organolépticas, amosa un sabor doce con notas salgadas. Obtivo a distinción de Ouro na categoría multifloral das Catas de Galicia 2021 e o bronce no 2022.

Mel de breixo producido na Serra da Groba, que obtén a súa intensidade da vexetación do lugar, influenciada poa ancestral gandería cabalar e a proximidade do Atlántico. Mel cru de extracción en frío que acadou a distinción de Bronce  na categoría de meles monoflorais nas Catas de Galicia 2022.