Carlos Carrión Álvarez

Chámome Carlos Carrión Alvarez presidente da Cooperativa Vitivinícola Arousá, son Enxeñeiro Informático de profesión e cheguei ao mundo do viño como o 99% da poboación do Salnés que sempre estivemos vinculados a el e crecemos entre viñedos e barrís.

Paco e Lola fundouse no ano 2005, pero todo xurde cando nas colleitas dos anos 2003-2004 o exceso que había de produción de uva non era asumible polas adegas existentes e creouse a necesidade de formar unha cooperativa para darlle saída a ese viño. Hoxe en día somos máis de 400 socios. No 2007 construíuse a adega, hoxe procesamos máis de tres millóns de quilos e estamos en cincuenta países. Comezamos con dúas marcas, hoxe temos algún máis pero estamos a apostar polos viños de garda, viños que nos van a permitir gozar máis aló que os viños do ano.

Un dos praceres que ten dirixir esta adega é saber que contribuímos a facer feliz a moita xente, compartindo bos momentos con amigos e familiares e por iso convídovos a coller unha copa e gozar dun momento de felicidade.