SILVERIO e RAMÓN

Somos unha pequena empresa familiar, de Vilardevós, na comarca de Monterrei, en Ourense, e criamos patos nunha leira, Quinta da Curriza, situada nesta vila, para elaborar produtos de maneira artesanal, conservas e curados, principalmente, nunhas instalacións situadas no mesmo recinto, podendo abarcar así case todo o proceso de cría e elaboración. E dicimos case todo porque nós non facemos o proceso de incubación, se non que compramos os parruliños cunhas horas de vida, e é entón cando os trasladamos a Vilardevós, para que continúen xa crecendo na nosa quinta. As primeiras 3 - 4 semanas de vida, nas que só teñen peluxe, están nun recinto calefactado, e, en canto teñen pluma, xa se crían en liberdade na leira, na zona que é un souto de castiñeiros, e da que non saen porque empregamos unha raza de pato, a Mulard, que non voa; aquí vivirán uns 3 meses máis, e será nos últimos días onde só se alimentarán de millo fervido, do que extraerán o almidón para a hipertrofia dos seus fígados, proceso que tamén dará as carnes unhas características organolépticas especiais.