José Ramón Rodríguez

Son José Ramón Rodríguez responsable da adega Joaquín Rebolledo en Valdeorras, A Rúa. Somos unha adega familiar con longa tradición vitivinícola. A adega creouse no ano 1978 da man de Joaquín Rebolledo o seu fundador e un dos pioneiros na elaboración de viños de calidade en Galicia.

Na nosa adega elaboramos os viños con variedades galegas principalmente godello e mencía. En brancos temos Joaquín Rebolledo godello, novo, froiteiro, fresco e moi saboroso, temos viños de parcela que reflicten moi ben a terra de onde saen, o microclima e a variedade. En tintos traballamos fundamentalmente con dúas liñas, un tinto xoven Joaquín Rebolledo dunha longa tradición, amplamente recoñecido e un viño de parcela de barrica cun coupage de mencía, sousón, brancellao e caíño tinto.

Podemos dicir que hoxe en Valdeorras está a vivirse un momento doce neste sector porque apostamos polas nosas variedades pola nosa autencicidad e tipicidade, sempre primando a calidade sobre a cantidade. Así que, anímovos a que degustedes os nosos viños valdeorreses e como non, os de Joaquín Rebolledo.