Somos Lucía e José, propietarios da empresa La Despensa D Lujo®, S.L. fundada no ano 2022, , con sede en Carballo e Erbecedo, no concello de Coristanco (A Coruña). O noso proxecto ten a súa orixe nunha explotación agraria tradicional galega, vinculada historicamente ao rural de subsistencia, na que a produción alimentaria estaba directamente relacionada co aproveitamento responsable da terra e cos ciclos naturais.

Na nosa horta, cultivamos legumes e hortalizas de gran calidade. Apostamos por variedades seleccionadas polo seu valor gastronómico, o seu comportamento en cociña e pola súa adaptación ao territorio, aplicando criterios de calidade, trazabilidade e respecto polo medio.

A nosa intervención nos procesos naturais dos cultivos é mínima, co obxectivo de preservar as características naturais, organolépticas e nutricionais dos produtos finais. Orientamos a nosa produción tanto ao consumidor final como ao sector da restauración profesional, especialmente á alta cociña, ofrecendo alimentos cunha forte vinculación á súa orixe e á identidade do rural galego.