Elixiches esta experiencia...
Queixo ARTELAC NABIZA

ARTELAC NABIZA

Queixería ARTELAC
DOP Arzúa-Ulloa

9,75€

Elaborado con leite pasteurizado de vaca producido na propia explotación. Posúe forma lenticular ou cilíndrica, cunha codia de cor amarela moi intensa, brillante e de aspecto graxo. A súa pasta, tamén de ton amarelo, é moi compacta. En nariz destaca o aroma a manteiga, sensación penetrante e picante. En boca, predomina o gusto a manteiga, con lixeiras notas a vainilla e froitos secos. Período de maduración mínimo de 6 meses.

ARTELAC é unha queixería onde se manteñen técnicas de elaboración tradicionais para conservar as características físicas e organolépticas dos queixos de sempre, pero coa garantía de obter un produto homoxéneo e de calidade. Ao contar con produción propia do leite que se transforma na queixería, existe unha relación moi estreita entre as materias primas e a súa orixe, o proceso de elaboración e o produto final. Esta queixería coida con agarimo o produto e a contorna co mesmo esmero, e aposta polas enerxías renovables nos procesos produtivos.

VIVIR UNHA EXPERIENCIA ARTELAC

Experiencia Artelac

Visítanos e coñece de primeira man como se producen e elaboran os nosos produtos. Contamos cun obrador e un recinto expositivo cunha orientación didáctica para recibirte. Poderás coñecer as construcións tradicionais ou con baixo impacto visual coas que contamos e como integramos dun xeito sostible a actividade gandeira coa actividade da queixería.

Contacta e intentaremos adaptarnos ás túas necesidades. Prepararemoste unha visita guiada cun percorrido pola granxa de vacas, a queixería e a contorna que nos rodea. Ademais poderás desfrutar dunha cata comentada para apreciar as características organolépticas dos nosos queixos. 

Ponlles cara

Antonio Ferreiro. Queixería Artelac

Atópanos

Enderezo

Outeiro · Amoexa, 3
27579 · Antas de Ulla
Lugo

Coordenadas

Contacta

Teléfono

982 153 392

Correo Electrónico
artelac-ullar@hotmail.es

Queres estar á última das experiencias calidade?