Vía Arxéntea. Godello e Treixadura 2020

Se te atreves a percorrer a Ruta do Viño Monterrei descubrirás unha paisaxe diferente, un camiño bañado polas cores do viño, enriquecido pola súa historia, gastronomía e, sobre todo, pola amable hospitalidade das súas xentes. Atoparaste unha comarca con gran riqueza cultural que acolle unha enorme variedade de lugares dignos de ser visitados e lembrados (tales como o castelo de Monterrei, a igrexa e claustro da Mercé, o museo claustro Mercedario, a igrexa Santa María a Maior, a casa do asistente...)
E para completar a experiencia ofrecémosche unha visita guiada ao noso viñedo e á nosa adega. Coñeceredes os distintos traballos que facemos así como un antigo lagar situado preto da adega. Como non podía ser doutro xeito, remataremos cunha cata comentada dos nosos viños. Anímate a coñecernos!!