CASTELO CURADO 500 gr.

A queixería Castelo de Brañas está situada na entrada do Camiño Francés en Galicia, na localidade de Pedrafita do Cebreiro, entre as montañas dos Ancares e O Courel na provincia de Lugo. Un lugar onde o tempo pasa amodo e os pequenos detalles toman protagonismo. O medio influíu notablemente no modelo de negocio desta queixería, onde se aposta firmemente pola diferenciación do produto e pola excelencia na calidade. O coidado máximo polo detalle, que por un lado lles impide deixar de ser unha pequena empresa familiar, permítelles comercializar un produto artesanal que cumpre con todas as garantías hixiénico-sanitarias e de calidade dende a súa fundación en 1989.