A illa

No ano 2000 fúndase a adega de Ricardo Abal Padín, amparada polo Consello Regulador da DO Rías Baixas. Trátase dunha empresa familiar situada no val do Salnés que comeza a súa andaina elaborando tan só 5.000 litros de viño albariño en depósitos de aceiro inoxidable. Nun principio, a uva procede das parcelas pertencentes ao propietario da adega pero, co paso dos anos, para satisfacer as necesidades do mercado foi necesario acudir á compra deste produto e dispor de varios provedores-viticultores, xa que na actualidade elaboran preto de 70.000 litros. Esta pequena adega comezou comercializando unha única marca, o viño Lagar da Cachada, cuxo nome fai referencia á zona onde se atopa esta.