Ladairo Colección de Familia 2024

Viño tinto xove da D.O. Monterrei (Val de Monterrei), elaborado por Bodegas Ladairo a partir das variedades Mencía e Araúxa (Tempranillo), colleita 2024, cun grao alcohólico do 13% vol. e contén sulfitos.

Presenta unha fase visual límpida e brillante, de capa media e cor vermello púrpura, mostrando a frescura típica dos tintos novos da zona. No nariz destaca unha boa intensidade aromática, con predominio de froitos vermellos e sutís notas exóticas que achegan frescura e vivacidade.

Na boca amósase ben estruturado, con certo “agarre” propio da colleita nova, mantendo e recuperando toda a paleta aromática en retronasal, o que lle dá un perfil directo, frutal e moi expresivo. Recoméndase servir entre 12 e 15 ºC.