IN MEMORIAN

Situada no pobo de Abeleda, en Ourense, Adega Vella comeza o seu percorrido no ano 2005, no seo dunha casa datada no século XII que reconstruíron co paso do tempo. Esta empresa familiar traballa arredor de seis hectáreas, primando a calidade, o saber facer artesanal e a utilización de uvas de variedades autóctonas. Tradición representa o proceso tradicional que se levaba a cabo na zona. A conxunción de variedades autóctonas xunto co coidado proceso manual na elaboración fan deste viño un compendio das mellores virtudes que se poden atopar nun tinto. A presenza das variedades Merenzao, Brancellao e Mencía, primando a primeira sobre as demais, fan del un viño tremendamente fresco, moderno e divertido.