Os Pendellos de Agolada, declarados Conxunto Histórico Artístico en 1985. As construcións datan do século XVIII e durante máis de 200 anos acolleu unha das feiras máis populosas de Galicia. Na actualidade é un lugar de exposición de traballos artesáns, festas populares e actos culturais. Existe unha capela en honra ás Virtudes na rúa da Parranda e destaca a beleza da praza da Randulfa, que conserva un empedrado histórico.
Lalín, o corazón de Galicia. A súa localización céntrica convértea nun punto ideal para explorar Galicia con tranquilidade e autenticidad. eDestaca pola súa tradición gastronómica, especialmente o famoso Cocido de Lalín, e polo seu patrimonio cultural, co Museo Municipal Ramón María Aller, dedicado ao astrónomo lalinense; o Museo Galego da Marioneta; o Pazo de Liñares, edificio señorial rodeado de natureza; e a Igrexa de Santiago. Nos arredores, a Fraga de Catasós ofrece unha das mellores carballeiras de Galicia, ideal para sendeirismo e natureza.
Monte Faro de Rodeiro. O punto máis alto do municipio e un excelente miradoiro natural da comarca. Situado en plena natureza, ofrece vistas panorámicas espectaculares e un entorno ideal para sendeirismo, fotografía e turismo rural. A súa capela e o seu valor paisaxístico convérteno nun lugar emblemático para visitantes que buscan tranquilidade e beleza natural.
