Quinta das Tapias 10

Cor vermella granate intensa, reberete violáceo. Boa bágoa.

Nariz de froita madura pero fresca, ben ensamblada cos balsámicos do seu paso pola barrica. Regalicia, amorodo, mora e framboesa case grosella; todo sobre un fondo de vainilla e lixeiros tostados, tofe, cacao e notas especiadas van aparecendo coa osixenación do viño. Fragrante, complexo e elegante.

Untuoso e saboroso, cremoso e de boa estrutura. Paso en boca amplo, suave e glicérico, sen arestas. Perfectamente equilibrado, lixeiramente cálido e cun punto lambisqueiro. Posgusto de recordo moi longo e agradable.

Maridaxe: perfecto con patés, arroces, carnes brancas e vermellas, aves e caza. Ideal tamén para un aperitivo a base de queixos semicurados e curados.