Setembro 20

A bodega Pazo de Valdeconde creouse no ano 2009 na localidade de Mourazos, como resultado de longos anos de tradición e esforzo xeracional. A adega ten unha extensión de catorce hectáreas de viñedos que discorren ao longo do val de Monterrei e arredores. As viñas con máis historia son A Cortiña, A Caseta e A Muradella, pertencentes á zona do xacemento arqueolóxico do Castro da Muradella, antiga vila romana do século III d.C. situada en Mourazos. Alí mesmo, nunha viña pertencente ao avó dos actuais viticultores, atopouse unha estatua de mármore de Dionisos e Ampelos, divindade civilizadora, deus do viño, da vexetación e os praceres. Quedaba así constancia de que nesa zona existían signos evidentes de romanización e da vinculación histórica da zona á viticultura.