Son Sofía e xunto con Carlos  formamos Aboamigalla, unha panadaría artesanal situada en San Cristovo de Cea, en Ourense, onde traballamos cada día para manter viva a tradición do auténtico Pan de Cea. Para nós, facer pan non é só un oficio, senón unha maneira de entender a vida, respectando o pasado e apostando ao mesmo tempo pola innovación e a sustentabilidade.
Elaboramos o pan seguindo métodos tradicionais, con fermentación lenta e cocción en forno de pedra con leña, tal e como se fixo durante xeracións. Empregamos materias primas de calidade e fariñas tradicionais galegas, porque cremos que o sabor auténtico nace do respecto polos ingredientes e polos tempos naturais da elaboración.
Formamos parte da IXP Pan de Cea e tamén da IXP Pan Galego, o que garante a autenticidade e a calidade dos nosos produtos. 
En Aboamigalla tamén nos preocupamos polo medio ambiente. Procuramos reducir o desperdicio alimentario e aproveitar ao máximo os recursos, incluso reutilizando a calor dos fornos para facer o noso traballo máis eficiente e sostible.
O noso obxectivo é combinar “o bo de onte co mellor de hoxe”. Queremos que cada pan transmita a historia, o esforzo e o cariño que poñemos no noso traballo diario. Para nós, cada fornada é unha maneira de conservar a identidade gastronómica de Galicia e compartila con todas as persoas que nos visitan ou proban os nosos produtos.